Бул тууралуу Жаштар иштери боюнча министрликтин маалымат кызматы билдирет. Жаштар иштери боюнча министри Алиясбек Алымкулов баштаган аталган министрликтин жетекчилиги 28-июлда Ош облусун кыдырып, жаштар уюмдары, бирикмелери жана жергиликтүү администрация башчылары менен жолугушат. Алар 29-июлда Баткен, 30-июлда Жалал-Абад облустарын кыдырышмакчы. Иш-сапар учурунда жаштардын көйгөйлөрү жана талаптары аныкталып, ага карата чаралар иштелип чыкмакчы. (IJz)
