Тажикстандын Улуттук банкынын төрагасы өлкөдө жасалма акчалар пайда болгонун элге эскертти. Шариф Рахимзоданын билдиришинче, Ооганстанда жашыруун жасалып, алып келинген жасалма самонилердин так суммасын айтуу кыйын. “Биз бул жөнүндө Ооган тарапка кабарладык. Жалган акча жасаган ишкана жок кылынды”,- деди Рахимзода. Анын айтышынча, келерки жылы Тажикстанда дебеттик карталарды пайдалангандардын саны 24 процентке өсөт. Ага карабай, төлөмдөрдүн 90 проценттен көбү нак акчалай жүргүзүлөт.
