Мындай жарлыкка түндө президент Роза Отунбаева кол койду. Буга чейин Ош жана Жалал-Абад облустарындагы өзгөчө кырдаалга байланыштуу бул маселе кечеңдеп келген. Анткени Шайлоо кодексине ылайык, өлкөнүн бардык аймагында же анын айрым жерлеринде өзгөчө кырдаал киргизилген учурларда шайлоонун жарыяланышына же өткөрүлүшүнө мыйзам жол бербейт. Ошол себептүү кечээ Ош, Жалал-Абад, Өзгөн шаарларында, Өзгөн, Кара-Суу, Араван, Сузак, Базар-Коргон райондорунда өзгөчө кырдаалды жана коменданттык саатты алып салуу тууралуу өкмөттүн декрети чыккан. (IJz)
