Бул тууралуу маалыматты “Азаттыкка” Улуттук коопсуздук боюнча мамлекеттик кызматынан тастыкташты. Маалыматка ылайык, мурдагы президент Курманбек Бакиевдин тушунда премьер-министр, акыркы мезгилдерде өлкөнүн стратегиялык тармактарынын активдерин башкарып келген Өнүктүрүү фондунун жетекчиси болуп турган Игорь Чудиновду чек ара кызматы кармаган. Ага карата козголгон кылмыш иштери Башкы прокуратурага өткөрүлүп берилген. И.Чудиновго “кызмат абалынан кыянат пайдаланган”, “мамлекеттик мүлккө зыян келтирген” деген сыяктуу беренелер боюнча айып тагылууда. Анын кармалышы тууралуу УКМК кийинчерээк маалымат бермекчи. (IJz)
