Орусия жана Казакстандагы кыргыздардын диаспораларын бириктирген “Замандаш” ассоциациясынын жыйынында апрель-июнь айындагы окуялардын кыргыз мигранттарына тийгизген таасири, Ош жана Жалал-Абад шаарларын калыбына келтирүүдөгү мигранттардын жардамы, Бажы биримдигинин Кыргызстанга тийгизген таасири талкууга алынып жатат. Жыйынга Орусия менен Казакстандан тышкары биринчи жолу кыргыз мигранттары иштеп жүргөн АКШ, Италия, Чехия, Польша, Түркия өңдүү өлкөлөрдүн да өкүлдөрү келип катышууда. Иш-чара 14-августка чейин уланат. (AzK)
