Судандык Ибрагим ал-Косинин үстүнөн сот Кубанын Гуантанамо аралындагы америкалык түрмөдө болду. Анын ишин аскерий трибунал карады. “Ал-Каида” лидеринин мурдагы ашпозчусу кутумга катышканын жана террордук ишмердикке материалдык жактан колдоо көргөзгөнүн моюнга алган. Ал түрмөгө 14 жылга кесилгени менен жаза мөөнөтү кыскарышы мүмкүн экени да айтылууда. Анткени Ибрагим ал-Коси күнөөсүн моюнуна алууда сот менен макулдашууга жетишкен. Макулдашуунун чоо-жайы жашыруун бойдон калды.
