Барак Обама Ак үй тараткан билдирүүсүндө АКШнын жана дүйнөнүн мусулмандарын ыйык Рамазан айынын башталышы менен куттуктады. Куттуктоодо Орозонун жөрөлгөлөрү бизге “баарыбыз үчүн мүнөздүү принциптерди жана исламдын адилеттүүлүктү, прогрессти, толеранттуулукту алга жылдыруудагы ролун, адамдын ар намысын урматтоо зарылдыгын эске салып турат” деп айтылган. Ыйык Рамазан айынын башталышы менен мусулмандарды АКШнын Мамлекеттик катчысы Хиллари Клинтон да куттуктады.
