Пакистандын метерологиялык башкармалыгы Пунжаб өрөөнүндө селдин экинчи толкуну жакында болоорун эскертти. Башкармалыктын жетекчиси Пакистандын тарыхындагы эң чоң суу ташкыны азырынча аяктай электигин билдирип, Пунжаб провинциясында он күндүн тегерегинде катаал шарттар түзүлөөрүн айтты. Бул жолку суу ташкыны Пакистанда 14 миллионго чукул адамды жабырлантып, 1600дөй киши көз жумду. Улуттар Уюму селден жапа чеккен жерлердеги 6 миллиондой адамга чукул арада 460 миллион доллар көмөк керектигин жарыялады.
