Өзгөчө коркунучтуу инфекция жана карантин боюнча республикалык борбордун башчысы Жалалиддин Гайбулиндин “Азаттыкка” билдирген маалыматына караганда, күйдүргү жарасын жуктуруп алган аял базардан уйдун ич этин сатып алган экен, ошондуктан күйдүргү ушул малдын этинен жугушу мүмкүн деген шектенүү болуп жатат. Учурда бул жаранын очогун аныктоо үчүн эпидемиологиялык иликтөө тобу иштеп жатат. Күйдүргү жуктуруп алды деп шектелген аял ооруканада дарылануудан өтүп, аны менен байланышы болгон жети адам атайын адистердин көзөмөлүндө турат. (KKs)
