Биринчи вице-премьер-министр Амангелди Муралиев бүгүн Чүй облусун кыдырып, күзгү айдап-себүү иштери менен таанышты. Ал иш-сапарынын алкагында “Элдан” агроөндүрүш комплексинин иши менен таанышты. Биринчи вице-премьер-министр айдап-себүү, оруу иштеринде жаңы заманбап технологияларын пайдалануу учур талабы экенин белгиледи. Ошондой эле көпчүлүк азоттун химиялык кошулмасы абдан көп экенин, айыл чарба кызматкерлерине мүмкүн болсо жергиликтүү жер семирткичтерди пайдаланууну сунуштады. Мындан сырткары А.Муралиев Токмоктогу бир катар ишканаларды кыдырды. Бул тууралуу президенттин басма сөз кызматы билдирди. (КЕ)
