Ирандын түштүгүндөгү Бушехр атомдук станциясынын реакторуна отунун жүктөп, ишке даярдоо башталды. АЭСте россиялык технология жана техника колдонулат. Ирандын атомдук энергия уюму салтанатка Атомдук энергия боюнча эл аралык агенттик-МАГАТЭнин инспекторлору да катышканын билдирди. Бушехр АЭСин куруу 35 жылга созулуп, ортодо курулуш токтоп калган да учурлар болгон.
Батыш өлкөлөрү Ирандын атомдук программасы ядролук бомба жасоого багытталган деп кооптонушат. Тегеран болсо уранды тынчтык максатында гана пайдаланарын айтып келет.
