“Азаттыктын” кабарчысынын билдиришинче, өкмөт үйүнүн алдына 7-апрелде каза тапкандардын жакындары жана жараат алган кырктан ашык адам чогулушту. Алар өкмөт тарабынан убадаланган жардамдар иш жүзүндө аткарылбай жаткандыгын билдиришүүдө. Бишкек шаар мэри Иса Өмүркулов нааразы топко келип жолугуп, алардын талабын угуп, президентке жеткирерин убада кылды. Өткөн айда президент апрель окуясында жабыркагандардын жакындарынын суроо-талаптарын угуп, аны аткарууну тиешелүү мамлекеттик органдардын жетекчилерине тапшырган болчу.(AzK)
