Улуттар Уюму Грузияда өлкө ичинде орун которгон, туруктуу үй-жайсыз адамдар убактылуу жашаган жеринен чыгарылып жаткандыгына тынчсыздануусун билдирди. Грузин полициясы Тблисидеги өкмөттүк имараттардан убактылуу баш калкалаган өлкө ичинде орун которгон жүздөгөн адамдарды күчтөп чыгарып жатат. Өкмөттүн бул чечимине нааразы болгон жер которгондор нааразычылык митинге чыгышты. Грузиядагы өлкө ичинде жер которгондор боюнча иш алып барган министрлик мындай адамдарга 10 миң доллар жөлөк пул же үй-жай сунушталгандыгын билдирди. Ал эми жер которгондор болсо аларга жумуш орду жок айыл жергесинен үй-жай сунушталып жаткандыгын айтышты.
