Окуя 25-августка караган түнү Пакистандын Бара деген аймагындагы кыздардын башталгыч мектебинде болду. Бул аймакты былтыркыга чейин «Ислам армиясы» деген согушчул топ көзөмөлдөп келген. Учурда Пакистандын коопсуздук күчтөрү ошол аймактагы козголоңчуларга каршы операцияларды өткөрүп жатышат. Талиптер мектепти түндө, эч ким жок учурунда жардырышты. Ошондуктан андан эч ким жабыр тарткан жок. Талиптер кыздардын билим алуусуна каршы, ошондуктан былтыртан бери 18 мектепти жардырып салышкан.
