Түндүк Кореяда камалган Айялон Гомес бүгүн АКШнын мурдагы президенти Жимми Картер менен Америкага жөнөп кетти. Быйыл январда Түндүк Кореяга мыйзамсыз киргени үчүн камалган Гомести түрмөдөн бошотууга Картер активдүү катышты. Пхеньянда Жимми Картер Түндүк Кореянын башкы расмий өкүлү Ким Йонг Нам менен жолугушкан. Ким Йонг Нам болсо расмий Пхеньян куралсыздануу боюнча сүйлөшүүлөрдү кайрадан жаңыртууга даяр экенин билдирген.
