Берлинде Германия канцлери Ангела Меркел менен Украина мамлекет башчысы Виктор Януковичтин жолугушуусу өттү. Меркелдин айтымында, ал Украинадагы сөз эркиндиги маселесин козгоп, бул чөйрөдө бир топ чара көрүү керектигин белгиледи. Немис жетекчилиги менен сүйлөшүүлөрдө ошондой эле энергетика, коопсуздук жана экономика тармактарындагы кызматташтык сөз болмокчу. 27-августта Чек арасыз кабарчылар эл аралык уюму Меркелге кайрылып, Украинада сөз эркиндигине тоскоолдуктар түзүлүп жатканына байланыштуу Янукович менен жолугушууда бул маселени көтөрүүнү өтүнгөн.
