NBC News каналына берген интервьюсунда АКШ президенти Барак Обама Ирактагы саясий күчтөр мунасага келип, коалициялык өкмөт түзө алат деп ишенээрин айтты. Ал ошондой эле өлкөдө зомбулуктун деңгээли төмөндөп жатканын белгиледи. Эртең Обама америкалык согуштук бөлүктөрдүн Ирактан чыгарылышына байланыштуу сөз сүйлөп, АКШнын ал өлкөдөгү согуш операциясынын формалдуу аякташын жарыялайт деп күтүлүүдө.
