Бүгүн президент Роза Отунбаева Бишкек шаарынын жакасындагы Кара-Жыгач жаңы конушунда быйыл курулган жаңы мектептин ачылышын жасады. Аталган жаңы конушта мектеп болбогондуктан буга чейин жергиликтүү тургундар балдарын алысыраак мектептерде окутууга мажбур болуп келишкен. Эртең 1-сентябрь күнү башка мектептер сыяктуу эле Кара-Жыгач жаңы конушунун мектебинде да окуу жылынын башталышына байланыштуу салтанат өткөрүлүп, биринчи коңгуроо жаңырмакчы. (IJz)