Талиптер ооганстандыктарды 18-сентябрда болчу парламенттик шайлоого катышпоого чакырып, добушканаларга чабуул жасаларын эскертишти. Талиптердин өкүлү Забиулла Мужахид "Ассошэйтед пресс" агенттигине телефондон берген интервьюда “шайлоо бу сыяктуу өнөктүктөрдү өткөрүп, Ооганстанда калууну каалаган чет элдиктер үчүн гана пайдалуу” деген.
Ооган бийликтери 5897 добушкана ачууну пландап жаткан. Бирок коопсуздук жайгдайынан улам 900дөн ашык жайда шайлоокана ачпай турган болду. Парламенттин өкүлдөр палатасындагы 249 орунга 2,5 миңден көп талапкер ат салышат.
