Париж полициясы билдиргенине караганда, Эйфел мунарасына бомба коюлган деген маалымат жалган болуп чыкты. Кечээ кечинде белгисиз бирөөлөр телефон чалып, мунараны жардыруу ыктымалдыгы тууралуу эскертишкенде тартип коргоочулар 2 миңдей адамды сыртка чыгарышкан. Полициянын атайын бөлүктөрү иттери менен мунараны тинтип чыгышканда шектүү эч нерсе табылган жок. Ошол эле күнү шаардын борбордук метро станциясына бомба коюлган деген кабар түшкөн. Бирок ал жерде да жардыргыч зат табылган эмес.
