Түркиянын түштүгүндө автобус жарылды

Түркиянын түштүгүндө автобус жарылып, кеминде сегиз киши көз жумду, үчөө жарадар. Жарылуу эмнеден болгонун айтуу азырынча кыйын. Автобус Ирак, Иран менен чектеш Хаккари провинциясына баратканда жарылган. Түрк бийликтери автобус жарылган мина Күрдистан Жумушчулар Партиясынын согушкерлери тарабынан коюлган деп айыптоодо. Аталган партия Түркиянын түштүгүндөгү Күрдистан аймагынын көз карансыздыгы үчүн 1980-жылдардын башынан бери күрөшүп келет.