Эл аралык коом Медициналык камсыздандыруу кору менен кызматташат

Өкмөткө караштуу Милдеттүү медициналык камсыздандыруу корунун жетекчиси Марат Калиев Улуу британиянын Эл аралык коомдун бухгалтериялык эсеп секторунун эксперти Давид Донолсон жана анын кеңешчиси Шон Рейналдс менен жолугушту. Анда аталган кор тарабынан каржыланган медициналык мекемелердин финансылык акча каражаттарын туура пайдалануу, ички аудиттерин текшерүүнүн ыкмаларын туура өздөштүрүү жана эки жылдан берки биргелешкен долбоордун ишке ашырылышы тууралуу маселе козголду.
Эл аралык коомдун өкүлдөрү Медициналык камсыздандыруу коруна эсеп-кысап жүргүзүүнү эл аралык стандартка ылайыктуу өздөштүрүүгө көмөк көрсөтөөрүн билдиришти. Бул тууралуу Медициналык камсыздандыруу корунун басма сөз кызматынан “Азаттыкка” кабарлашты. (AJ)