Ош шаардык ТЭЦи 30 миң тонна мазут менен камсыздалат

Ош шаардык ТЭЦи күзгү жана кышкы жылуулук берүү маалында 30 миң тонна мазут менен камсыз кылынат. Бул тууралуу “Электр станциялары” ачык акционердик коомунун маалымат кызматы билдирет.

Маалыматка ылайык, азыр Ош шаарына “Кыргызгаз” акционердик коому Казакстандан күйүүчү май ташып атат. Ушул тапта Ош шаардык ТЭЦинде оңдоо иштери жүргүзүлүүдө. (IJz)