Бүгүн кечинде АКШ президенти Барак Обама БУУнун Башкы Ассамблеясында сөз сүйлөйт. Анда ал дүйнө лидерлерин Израиль менен Палестина ортосундагы тынчтык сүйлөшүүлөрүнө көмөкчү болууга үндөйт жана “тынчтык үчүн дүйнөнүн калган өлкөлөрү да жооптуу” деп белгилейт. Анын докладынан үзүндүлөрдү Ак Үй таркатты. Жыйында глобалдуу финансылык кризистин кесепеттери, терроризмге каршы күрөшүү, ядролук куралды жайылтпоо өңдүү маселелер талкууланат. Бүгүнкү отурумда Иран президенти Махмуд Ахмадинежад да сүйлөмөкчү.
