Францияда бүгүн кезектеги иш таштоо өтүп жатат. Бул акцияны кесиптик кошуундар президент Николя Саркозинин пенсиялык реформасына нааразылыгын билдирүү иретинде уюштурушту. Өкмөттүн сунушуна ылайык, эми француздар пенсияга 60 жаштан эмес 62 жаштан чыгышат. Уюштуруучулар өлкө аймагы боюнча 2 миллиондой кишини көчөгө алып чыгуу жөнүндө айтып келишти. 7-сентябрда өткөн нааразылык акциясына 1 миллиондой киши катышкан. Өкмөт реформалар бюджет тартыштыгын кыскартуу үчүн зарыл экенин ырастоодо.
