Эмомали Рахмон БУУнун Башкы ассамблеясында сүйлөгөн учурунда 2012-жылды Суу дипломатиясынын жылы деп жарыялоону сунуш кылды. Тажик президентинин пикиринде, тузсуз суу ресурстары боюнча Улуттар уюмунун атайын резолюция кабыл алуусу сууну башкаруу жаатындагы көйгөйлөр алдын алма дипломатия, ишеним жаратуу жолдору аркылуу чечилишине алып баруусу мүмкүн. Адистердин эсебинде, Борбор Азиянын суу башындагы эки өлкөнүн бири Тажикстандан аймактын суу ресурстарынын 60 пайызы чыгат. Анын башкаруу жана бөлүштүрүү жагынан Тажикстан менен Өзбекстандын ортосунда өзгөчө пикир-келишпестик бар. Тажикстан дарыялардын боюнда жаңы ГЭСтерди кургусу келет, Өзбекстан буга каршы.
