Чек ара кызматынын маалыматына ылайык, Орусиянын чек ара башчысы Владимир Проничев баштаган делегация менен кечээ президент Роза Отунбаева жолугушту. Анда чек ара багытындагы маселелер талкууга алынып, Кыргызстандын чек ара коопсуздугуна басым жасалды. Өз кезегинде В. Проничев орусиялык тараптын Кыргызстандын чек ара тармагы менен кызматташуусун кеңейтүүгө ниети бар экендигин билдирди. Владимир Проничев Бишкектен Ош шаарына көчүрүлгөн Орусиянын Кыргызстандагы оперативдүү чек ара тобунун иштери менен да таанышты. (KKs)
