Орусиянын аймактык башкаруу, миграция жана демография институтунун байкоочу кеңеш төрагасы Юрий Крупнов мындай пикирин Бишкекте өтүп жаткан тегерек үстөл талкуусунда билдирди. Ал "Кыргызстан учурда дүйнөлүк геосаясаттын очогу, бирок кайсы бир мамлекеттер үчүн ал геосаясий кызыкчылык аймагы болсо, Орусиянын Кыргызстанга империялык кызыкчылыгы жок" деп билдирди. Бүгүн Бишкекте кыргыз-орус дипломатиялык алакасынын 225 жылдыгына карата тегерек үстөл өтүп жатат. 1785-жылы Атаке бий баштаган кыргыз элчилерин Орусиянын ошол кездеги падышасы Екатерина II кабыл алган. (ZKo)
