Түндүк Кореяда бийликтеги жумушчу партиянын 65 жылдыгына арналган парад болду. Борбордук трибунада өлкө лидери Ким Чен Ир менен бирге анын кичүү уулу Ким Чен Ун да турду. Аны атасынын саясий мураскери жана коммунисттик Кореянын эмки жетекчиси деп аташууда. Ким Чен Ун жакында генерал наамын алып, партиянын Борбордук аскерий комиссиясынын төрага орун басары болуп дайындалган.
