Ай башында Босния-Герцеговинада болгон шайлоо жарандык согуш бүткөнүнө 15 жыл болсо да, өлкөдө этникалык ажырым күчтүү экенин көрсөткөн. Федерациянын мусулман-хорват бөлүгүндө эл реформачыларды колдоп, бирок серб калктуу Српска Республикасында улутчулдар жеңген. Клинтон айым Босниянын лидерлерин өлкөнүн Евробиримдик жана НАТОго интеграциялануусун тездетчү реформаны алгалатууга чакырарын АКШ мамлекеттик катчысынын Европа жана Евразия боюнча орун басары Филипп Гордон билдирди. Этникалык каршылашуу, Горондун сөзүнчө, Босниядагы саясый жараяндарды алга жылдырбай жатканы айкын.
Хиллари Клинтон Сараеводон соң Белградга барып, Сербиянын жетекчилиги менен Косово маселесин талкуулайт.
