Германия канцлери Ангела Меркель Иран бийликтерин эки чет элдикти эркиндикке чыгарууга чакырды. Алардын аты-жөнү маалымдала элек. Германиянын букаралары деп боолгонгон бул эки жаранды ырасмий Тегеран өздөрүн журналист деп калп айтышкан деп күнөөлөөдө.
Алар дүйшөмбү күнү Сакине Мохаммади Аштиани айымдын уулунан интервью алып жатканда кармалган. Аштиани айым күйөөсүнүн көзүнө чөп салган деп айыпталып, өлүм жазасына тартылган. Сот өкүмүн адам укугун коргоочулар менен бир катар өлкөлөрдүн лидери сындашкан.
