“Путин, Кыргызстандан колуңду тарт” деген акция башталды

Ушул тапта колдоруна “Биз Орусиянын бир федерациясы эмеспиз”, “Путин, Кыргызстандан колуңду тарт!” деген ураандар жазылган плакаттарды кармаган 10 чакты улан-кыздар Бишкектеги Орусия элчилигинин алдында митинг өткөрүп жатышат. Алар Кыргызстандын саясатына Орусия бийлиги кийлигишип жатат деп эсептешет. Азырынча нааразылык акциясынын катышуучуларына элчиликтен эч ким чыгып жолуга элек.

Парламенттик шайлоодо алдыга озуп чыккан айрым партиялардын башчылары Москвага барып, Кремль менен кеңешип келди деген маалыматтар айтылган. (ZKo)