Президент Хамид Карзай бүгүнкү маалымат жыйынында ырастагандай, Тегерандан жылына эки ирет – 500 жана 700 миң евро өлчөмүндө акча келип турат. Бирок муну ооган президенти "ырасмий" жана "ачык-айкын көмөк" деп атады. Мунун алдында "Нью-Йорк таймс" гезити ооган өкмөтүндөгү чиновниктердин ыкыласына киргени Иран Карзайдын кеңсе башчысына ири өлчөмдө акча берип келатканын жазып чыккан эле.