Экономика күн сайын 200-400 миллион евро өлчөмүндө зыян тартып жатат. Бул тууралуу өлкөнүн финансы министри Кристина Лагард билдирди. Ал ошондой эле полиция менен демонстранттардын кагылыштары өлкөнүн аброюна да көлөкө түшүрүп жатканын кошумчалады. Өлкөдө пенсия курагын эки жылга жогорулатууну караган мыйзам долбоорун парламент ушул апта ичинде биротоло бекитүүгө тийиш.
