Мексика бийликтери Тепик шаарында куралчан адамдар 15 кишини атып кеткенин маалымдашты. Набыт болгондор май куйуучу жайдын кызматкерлери менен кардарлары. Бул өткөн жума күндөн берки үчүнчү массалык кыргын. Бир жума арасындагы бул окуялар маң аткезчилигине байланыштуу болушу этимал деп шектелүүдө. Акыркы 4 жылда Мексикада маң аткезчилигине тиешелүү деген аткылашууларда 28 миңден көп адамдын каны төгүлгөн.
