Көчкүдө калган орусиялык туристтин сөөгүн издөө иштери уланууда

Өзгөчө кырдаалдар министрлигинин маалыматына ылайык, издөө иштерин 13 альпинист жүргүзүүдө, алардын үчөө Орусиядан келген.

Мурда кабарлангандай Орусиянын Төмөнкү Новгород шаарынан келген 10 турист шаркырап аккан Сары-Жаз дарыясында кайык менен сүзүүнү максат кылышкан. Өткөн жекшемби күнү Кара-Арча ашуусунда кар көчкү жүрүп, туристтик топтун жетекчиси, 45 жаштагы Сергей Никаноров көчкүнүн очогунда калган. (ZKo)