Өлкөнүн шайлоо боюнча жогорку мекемесинин билдиргенине караганда, бийликтеги партиянын талапкери болгон Дилма Руссеффти кечээги добуш берүүгө келгендердин 55%ы колдоду. 62 жаштагы Дилма Руссефф Бразилиянын тарыхтагы алгачкы аял президенти болот. Азыркы президент Луиз Инасио Лула да Силванын бийлик мөөнөтү 31- декабрда аяктоодо. Болочок президент Лула да Силванын өкмөтүндө энергетика министри, андан кийин анын аппарат башчысы кызматында иштеген.