Жогорку Сот журналист Алишер Саиповдун өлүмү боюнча ишти карайт

Бүгүн үч жыл мурда киши колдуу мерт болгон журналист Алишер Саиповдун өлтүрүлүшү боюнча сот болот. Ушу тапта Жогорку Сотто каралып аткан бул сот процесси айыпталуучу Абдуфарид Расуловдун адвокатынын доо арызынын негизинде өтүүдө.

Ош шаарында өзбек тилинде чыгып турган “Саясат” гезитинин редактору Алишер Саиповду 2007-жылы 24-октябрда атып кетишкен. Анын өлүмүн атасы Авас Саипов кесиптик ишмердүүлүгү менен байланыштырып келет. Ал эми айыпталуучу А.Расулов тагылган айыпты мойнуна албай келатат. (IJz)