Андерс Фог Расмуссен Дмитрий Медведев менен бүгүн Москвадагы сапары учурунда кездешет. Сүйлөшүүлөрдө негизги көңүл Орусиянын НАТО менен Ооганстан боюнча кызматташтыгын кеңейтүү мүмкүнчүлүгүнө, анын ичинде Ооганстанды тик учактар менен камсыздоосуна байланышкан маселелерге бурулары күтүлүүдө. Тараптар ошондой эле АКШнын ракетадан коргонуу боюнча Европаны да камтуучу системасы боюнча НАТО менен Орусия ортосундагы кызматташтыкка да кайрылат деп күтүлүүдө. Бүгүнкү сүйлөшүүлөр Орусия менен НАТОнун 20-ноябрда Лиссабондо белгиленген саммити алдында өтүп жатат.
