Бул тууралуу “Азаттыкка” Коомдук парламенттин төрагасы Касымбек Райымбек уулу билдирди. Аталган парламент кечээ Биринчи май райондук сотуна арыз менен кайрылган. Анда БШКнын шайлоо тууралуу чечими жаңы Конституциянын 70-беренесине каршы келери айтылган. “Бизде конституциялык мыйзам жок. Ошол себептен бул шайлоо мыйзамсыз”,-дейт К. Райымбек уулу. Коомдук парламентти 2007-жылкы шайлоодо Жогорку Кеңешке кирбей калган айрым саясий партиялар, коомдук-саясий уюмдар түзгөн болчу. Апрель ыңкылабынан кийин аталган парламенттин айрым мүчөлөрү Убактылуу өкмөткө жана партиялык жумуштарга кеткендиктен иши токтоп калган. Азыр кайра түзүлгөн коомдук парламент 50 кишиден турат. (EBM)
