АКШ бийлиги Сомалиден келген жүк ташуучу учактарга да тыюу салды. Буга чейин ушундай эле чектөө йемендик учактарга киргизилген. 10 чакты күн мурун Йеменден АКШга жөнөтүлгөн таңгактарда чакан бомбалар табылган. Американын ички коопсуздук министри Жанет Наполитанонун билдирүүсүндө белгиленгендей, жүргүнчү ташыган учактарга посылка, аманаттар салынбайт, чет өлкөлөрдөн келген кат, пакеттер жакшылап текшерилет. Йемендин тышкы иштер министри Курби Абу Бакр ал-Курби өлкөдө коопсуздук чаралары күчөтүлгөнүн айтты.
