АКШнын коргоо министри Роберт Гейтстин билдиришинче, Кошмо Штаттарда “ал-Каиданын” бөлүмдөрү менен Йемен, Сомали сыяктуу калабалуу өлкөлөрдө күрөшкөнгө жетерлик каражаты бар. “Ал-Каиданын” Йемендеги бөлүмү өткөн айда АКШлык жүк ташуучу учакта табылган бомбаны анын адамдары орнотконун билдирген. Вашингтон быйыл Йеменге террорчулукка каршы күрөшкө жардам катары 155 миллион доллар берген. 2006-жылы Йеменге бул максатта 4, 6 млн. доллар гана берген.
