Кечээ Спорт сарайында жабырлануучулардын жактоочуларга жасаган мамилесинен улам ызы-чуу чыгып, сот процесси үзгүлтүккө учурады. Чатак айыпталып жаткандарынын адвокаттары судья Жакыпбек Бектемировго ишенбөөчүлүк билдиргенден кийин тутанды. 7-апрелде Өкмөт үйүнүн алдында куралсыз элге ок аткан жана ок атууга буйрук берген деп азыр 28 киши айыпталып жатат. Алардын ичинен мурдагы президент К. Бакиев, премьер-министр Д. Үсөнов, Улуттук коопсуздук кызматынын мурдагы жетекчиси М. Суталинов жана мамлекеттик күзөт кызматынын башчысы Ж. Бакиевге издөө жарыяланган, азыр алар сыртынан соттолууда. (EBM)
