Каржы министрлигинин маалымдашынча, быйыл мурунку жылга салыштырганда инвестицияны өздөштүрүүнүн деңгээли 3 пайызга төмөндөдү. Курулуш тармагындагы дүң продукциянын көлөмү 5,9 пайызга кыскарды. 2010-жылдын этегине карай өлкөдө расмий катталган жумушсуздардын саны 65 миңге жакындады, бул мурункуга караганда 2,8 пайызга көп. Адистер мындай төмөндөөлөрдү өлкөдөгү соңку олку-солку абал менен байланыштырып жатышат. (EBM)
