17-ноябрда башталган маданий жумалыкты Жапониянын Кыргызстандагы элчилиги менен жапон Эл аралык кызматташуу агенттиги уюштурууда. Иш чаранын жүрүшүндө “Кыргызстан жапондуктардын көз карашы менен” деген аталыштагы сүрөт көргөзмө, жапон китептеринин жарманкеси, жапон ырларын караокенин коштоосунда аткаруу, жапон ашканасы менен таанышуу жана марафондук чуркоо өктөрүлөт. Балдар үчүн «Animeski» деген аталыштагы атайын музыкалык шоу уюштурулуп, анда жапон элинин баатырларынын кийимин кийген кичине бөбөктөр көңүл ачышат. Ал эми борбор калаадагы «Вeta Stores» соода жайында жапон тамак-ашынын көргөзмөсү өтөт. (GA)
