Ирактын Саддам Хусейн тушундагы тышкы иштер министри Тарык Азиздин адвокаттары сот өкүмү аткарылганга чейин президенттин мунапысын алууга аракет кылары маалымдалды. Тарык Азизди өткөн айда Ирактын соту өлүм жазасына тарткан болчу. Ватикан жана Европанын бир катар өлкөлөрү Ирак өкмөтүнө кайрылышып, Тарык Азиз Саддамдын жакын чөйрөсүндөгү жападан жалгыз тарса-христиан экенин айтышып, ага мунапыс берүүнү сурашкан.
