Кувейт жана Ирак чек аранын эки жагында 500 метрлик бейтарап тилке түзөлү деп макулдашты. Бул тилкеге кирчү жерлерде жашаган дыйкандар өлкө ичине жаңы үйлөргө көчүрүлөт. Кувейттин тышкы иштер министрлигинин жооптуу кызматкери Жасем Мубараки эки өлкө аралык келишимге ылайык, Кувейт өкмөтү чек ара тилкесинде жашаган ирактык 50 үй-бүлөгө там куруп берерин билдирди. Мубаракинин сөзүнчө, бейтарап тилкеге чек арачылардан башка эч ким жүрбөйт.
