Адам укугу боюнча кеңеш ата-энеси чет жерге иштеп кеткен балдардын абалы боюнча өлкөнүн бир катар аймактарында талкуу-жыйындарды уюштурганы жатат. Аталган кеңештен маалымдашкандай, анда жалпысынан мигранттардын балдарынын жашоосуна мониторинг жүргүзүү, негизги проблемаларын аныктап жардам берүү, мындай балдардын санын тактоо, каттоо сыяктуу маселелер тууралуу сөз болмокчу. Алгачкы жыйындар эртең, 26-ноябрда Бишкек, Ош жана Жалал-Абад шаарларында болот. 29-ноябрда болсо Баткенде өтөт. (EBM)
