Президент Жалал Талабани азыркы премьер-министр Нури ал-Маликиге өлкөнүн жаңы өкмөтүн түзүү милдетин тапшырды. Мыйзамга ылайык премьер-министрге бул үчүн отуз күн мөөнөт берилет. Парламенттик шайлоодон сегиз айдан кийин ноябрдын башталышында негизги саясий күчтөр бийлик бөлүштүрүү боюнча мунасага келишкен эле. Ага ылайык президент менен премьер-министр кызматында калат, спикерликке ал-Маликинин атаандаш фракциясынын өкүлү шайланмак болгон.