WikiLeaks интернет сайты АКШга таандык 250 миңден ашуун ар кандай деңгээлдеги дипломатык жашыруун документтерди жарыялады. Ак Үй WikiLeaks сайтынын аракетин “жоопкерсиздик жана коркунучтуу” деп сындады. Вашингтондун билдирүүсүндө жашыруун материалдарды жарыялоо АКШга демократияны жайылтууга көмөктөшкөн түрдүү адамдардын, ошондой эле дипломаттардын, чалгынчылардын өмүрүнө коркунуч келтире турганы айтылат. Республикачыл конгрессмен Питер Кинг WikiLeaks сайтынын негиздөөчүсү Жулиан Ассанжды шпиондук кылды деп, жоопкерчиликке тартууга чакырды.
